Har du ein kvardagshelt i magen?

Vi lærer born å lese. Vi sørgjer for at du får grønt lys til å byggje draumehuset. Vi sløkkjer brannen om uhellet skulle vere ute. Vi vaksinerer deg mot svineinfluensa. Vi byggjer ballplassar og skateparkar. Vi plantar blomar i sentrum. Vi tek hand om deg som treng nokon å snakke med når livet er kjipt. Vi gir deg reint vatn i springen. Vi sørgjer for at du har eit trygt nærmiljø. Vi serverer middag til bestemor på sjukeheimen. Vi set opp filmane på kino. Vi lærer små ballerinaer å danse. Vi passar på barnet ditt når du er på jobb.

Korleis hadde livet vore utan alle desse kvardagsheltane?

Vi er stolte av å jobbe i offentleg sektor. Vi vil gjerne ha deg med på laget!

Einavdei.no er eit samarbeidsprosjekt sett i stand av søre Sunnmøre regionråd. Regionrådet består av sju kommunar frå søre Sunnmøre: Hareid, Herøy, Sande, Ulstein, Vanylven, Volda, Ørsta.

Gjennom einavdei.no vil vi gjere det lettare for deg å finne dei spennande jobbane vi kan tilby deg.

Anten du står på steget til å utdanne deg, eller er på jakt etter eit karriereskifte er det ingenting i vegen for at du også kan bli ein av dei.

Velkomen blant kvardagsheltane.