Det aller vakraste

Det er mange som konkurrerer om å vere Noregs vakraste fjord. Vi er ikkje beskjedne: vi veit at det berre finst ein fjord som Hjørundfjorden. Om du vil padle kajakk under mektige tindar med utsikt mot Slogen, surfe på puddersnø ned frå Grøtdalstindane ( ifølgje ekstremsportbladet Fri Flyt er dette kremen av nedkøyring i Europa), om du vil sove i himmelseng på spøkelsesromet på Hotell Union Øye, om du vil spele blues på Trandal, om du vil smake lokalt kjekjøt på Rekkedal, om du vil fiske laks på Sæbø eller om du berre vil ta ferja og kike på geitene på Skår: Hjørundfjorden har alt.